أنا و إيميلي و الفيس بوك !!

 

 FaceBook

السلآم عليكم والرحمة ، شحآلكم .. ؟؟ عسآكم بخيير ؟؟؟ 🙂

مممم متى آخر مرة نزلت تدوينة يديدة ؟؟؟ مآحيد والله  ..

بدينا الدراسة من يديد و بدينا فصل يديد  و دروس يديدة .. تحطمنا شوي بسبة النسبة .. ولله الحمد 86% يعني لآآ بآآس  .. بعوض ان شاء الله هالكورس .. لنه المنهج ما يباله .. أدبي .. لعب في لعب  << بس مب معناته ما نتعب يحلييلنا نحفظ كل حرف في الكتاب ..

عموماً .. يايتنكم بسالفتي ، عبيطة طشونة هههه لكن أعتبرها درس لي بصراحة ..

يقولكم عندنا في المدرسة غرفة لمادة الانجليزي .. و فيها اجهزة كمبيوتر .. عاساس انها غرفة الـ e-Learning ..

مرآآت إذا كنآآ فاضين في الحصة و يعني التيجر مخلتنا ع راحتنا .. ندخل النت و نفتح الفيس بوك * ممنوووع عندنا هاااه بس ندخل * او التويتر و في منا ع الديفيانت آرت .. و الي موووول ما يخصهم راقديين ع الكيبورد .. و هاكزااا يعني ..

المهم .. النون الله يسلمكم .. دخلت الفيس بوك .. و هاه حطت كمن بوست تخق اونها في السكول و كانه محد فمدرسته نت غيرهم هههه .. و لم طلعت و سجلت الخروج ..

طلع الاييميل مخزن .. !!

كييف ؟؟؟ ليش ؟؟؟؟ انا ما ضغطت على زر التذكير

حاولت امسحهه .. جرببببت كل الطرق .. مافادني شي .. سوييت كلييين للديسك .. مانفع .. مسحت الهيستوري .. الحال نفسه ..

الااااهي و الحل !!! يعني ايميلي بيتم مخزن .. !!! صح هاالايميل ما استخدمه بس بعد يعني الاحتياط واجب ..

ودق الجرسسس .. و انا لآآآآآآآآآآآآء مستحيييل ايميلي مخزن !!!! مافيييه ع المشاااكل ..!

ورديييت الصف و انا محبطة و خايفة لحد يسويبه شي ..!!!!

اليوم الثآآني حاولت اني امسح من يديد ما تغير شي .. بعدها يتني فكرة .. لو دخلت باكاونت ثاني .. رح يتخزن الايميل اليديد مكان ايميلي و افلت منها.. بس المشكلة .. من وييين لي اكاونت ثاني .. ×_× اهئ !!!!

ألفت اي ايميل و اي باسوورد عاساس انه غلط و متعمدة .. لكن بعد ما خزن .. و مرة ثانية خلصت الحصة بسرعة و انا ماسويت شي .. 😦 !!!

اليوم الثالث .. قلت لربيعتي ماشي الا حل واحد .. اسييير ع السريييع اسويلي ايميل يديد و اسجل في الفيس بوك .. و بعدها ادخل بالاكاونت اليديد ..! 

و علطوووول  من دق الجرس .. طيران عند المعلمة .. " تيييجر .. البنات في الطريج عطينا المفتاح نحن بنسبقهم للغرفة  " و يحليلها عطتنا .. و النووون طيرآآآآآآآن .. دخلت و سويت اي اييمييل و الله بتضحكوون ع الاسم لو اقولكم .. و بعدها سجلت في الفيس و دخلت و رديييت سجلت الخرووج ..!!!

القققققهههههههههههههر الحيييين ..!!!!! تخيلووو .. ولآآآ ايميل خزنه   .. يعني يحليلي كل هالسرعة و كل هالركيييض عالفاااضي .. !!!!

عموماً .. من يومها قلت تووبة .. ادخل من دووون ما تدري المعلمة ..

الشي الجميل جدن في السالفة ههههه .. اني استغليت الاكاونت اليديد .. وخليته لـ مدونة نوون .. ^_^ .. ف اذا حابييين تتواصلون معاي بالفيس بوك =) حياكم :

> > من هووونآآ < <

Advertisements

الحاجة أم الاختراع

107

السلام عليكم ورحمة الله وبركاته

شحالكم جميعاً ؟؟؟؟

أخبار السنة اليديدة وياكم ؟ 🙂 كيف بدايتها ؟ عساها بداية خير ^^ ..

مع بداية السنة ، قررت إني انظف غرفتي تنظييف شاااااامل ، من زمااااان ما رتبتها ، مستوية عالم فوضى ، ولا كأنها غرفة نوم هههه .. عموماً ، حصلت كمن هزبة محترمة من الوالد و الوالدة ، فقررت ابدا الشغل علطووول مع بداية السنة ، خذ مني التنظيف يووم كااااااامل ، و بصراحة تعبت تعب الله لا يراويكم >< .. لني مب متعودة ع الشغل و التنظييف هالكثر .. ياني شد عضلي فرقبتي و عانييت بالليل .. لكن النتييجة تستاهل بصراحة .. 🙂 ..

المهم ، وانا انظف و ارتب .. كنت اقسم الأغراض بحييث اعرف شو اليي ماله داعي ينحط في الغرفة .. و انا ارتب اكتشفت اني مب شرات البنات –_- ما عندي شي احط اكسسواراتي فييه ، حاطتنهم جذا في الدرج مشربكييين على بعضهم .. و لنه ماشي وقت اسير السوق و انبش وادور شي .. ف ع السريييع نبشت فيوتيوب و لقطت كمن فكرة .. لحد ما توصلت لفكرة اريح ..

[ الحاجة أم الاختراع ]

بعد كل هالمقدمات هههه ببدا بالموضوع الاساسي للتدوينة ، مثل ما قلت لكم .. ما حصلت شي احط اكسسواراتي فيه ، ف يمعت كل انواع الكراتين الموجودة عندنا في البيت و استخدمتهم .. اليوم بس بروييكم بورد الحلقات او بالفصحى أقراط الاذن ..

سويييت البورد ع السرييع و ما ياخذ من الوقت الا 5 او 10 دقايق تقريباً ..

[1] يبت غطاة كرتون و يبت التووور الي يستخدم للفساتين .. لفييته على الغطاة بهالطريقة ..

71

72

[2] ربطت التور بأي ربطة شعر .. ما كان عندي لاستك او شي هههه 🙂

 73

[3] وبعدها استخدمت رييش ابيض كإطار للبورد .. و استخدمت فراشة لقيتها بين العاب اليهال ،، للتزيين  =) ..

74

75

[4] ثبت الأقرااط على البووورد ^_^ .. و هاذي النتيجة النهائية ..

76

صح الشغل ما كان متقن لكن حبييته وحسيته ينفع .. =) .. و ما كلف علي .. الادوات كلها من البيييت .. و للتثبيييت استخدمت مسدس الشمع ..

ووو بس .. 215 !!

رايكم ^^ ؟؟

ثرثرة بيني و بينكم

1gs0127ol3

السلام عليكم ورحمة الله و بركاته .. 🙂 ، شحالكم جميعاً ، زمآآآآآآآن عن مدونتي الجميلة ، .. انشغلت الاسبوع الي فات بالاعراس .. و الاسبوع الي قبله اتصالات الله يسامحهم فصلوا عنا النت ..

المهم ، أخباركم و أخبار الشتآآ معآكم ؟؟ .. من فترة أبغي اكتب و اسوي ابديت للمدونة و الديفيانت ، بس احس مالي مزاج لأي شي .. عندي عشرين الف صورة محتاجة تتحرر من الملفات و تظهر للعالم ، لكن مالي مزاج >< .. سبحان الله .. ما احس بالإلهام إلا وقت الدراسة ..

،،

أيام تفصلنا عن بداية السنة اليديدة ، إسترجعت ذكرياتي و كيف كانت بداية 2010 بالنسبة لي ، وعود و كلام على الورق ، ما أنجزت شي يذكر .. أذكر قائمة الـ 30 مهمة و كيف كنت متحمسة اني انجز 30 شي خلال سنة ، كنت متوقعة انه الموضوع بسيط ، مجرد 30 شي لا غير ، لكن .. مررر الوقت بسرررررعة و ما انجزت اي منهم >< .. اكتشفت اني كسولة جدن جدننن جدننن .. و اني مستحيل اشتغل غصبا عني .. كل شي يمشي بالمزاج .. مزاجي حلو .. الشغل حلو .. مزاجي زفت .. الشغل راح فيها .. وهاكزااا .. =\ ، لذآآآ قرررت .. <<< ياما قررتي وما أنجزتي !!!

المهم قررت ..

خلال عام 2011 باذن الله اذا الله احيانا ..

" لن أنجز ما كتبت ، بل سأكتب ما أنجزت " ..

يمكن البعض يتسائل ، ليش ؟ .. ببساطة .. مابغي اتقييد بأمور معينة ، و غير انه تجربتي في 2010 ، كانت نعم التجربة ، عرفت مواطن الخطأ و صححت الأمور .. و بإذن الله ، بحقق الي أطمح له من دون قيود ، من دون خذلان للوعود .

2011 ، بالنسبة لي ، سنة مطورة تكميلية لـ 2010 .. مغامرة يديدة بخوضها بكل شغف ، و رغبة في اكتشاف المجهول ….

كح كح كح ليش احس اني قاعدة اعلن عن فلم ؟ ههههه عموماً .. أتمنى لكم سنة حلوة مقدماً =)

نووون

عساكم من عوادة / الحلة الجديدة للمدونة

Llama3eed

 

فطّر سعيدّ و مبآركنَ عيدكمّ جميعآً .. 🙂 تقبل الله طاعاتكم
سامحونّي لو قصرتّ بحقكمّ ، و عسآَ عيدّكم عيدّ سعآدّ’ة و سرّورّ ..

من عآدّتَي أقرقر و أزيدّ في الرمسَة لكن اليومّ يصعبّ علي وصفّ أجوآءّ السعآدّة و الونآسةَ ..

مثلّ مآ تشوفونّ حتىّ مدونَتي كشخّـتّ للعيدّ إن شاء الله الهيدرّ اليديدّ ينآل رضآكم 🙂 .. 

* كان المفروض تنزل هالتدوينة اليوم الصبح لكن النت وشطانته ><

هدايا العيد بأناملي

السلام عليكم و الرحمة .. 🙂 شحالكم جميعاً ؟ عسآكم بصحة و سلآمة ؟
يقولونّ بآجر العيييدّ ، مبروكّ عليكم .. بآجر رح أنزل تدوينة صبآآح العييد ما وراي شي لين الساعة 10 تقريباً ، رح اكون متوآجدة كالعادة ع التويتر و الفيس بوك و المسن و ما أنسى مدونتي .. المهم مب هذآآ موضوعنآآ ^_^

على طآري العيد ، ، أنا وبنات خالاتي متعودات كل عيد نتبادل الهدايا من يوم كنا صغار نتبادل الحلويات لين كبرنا و قمنا نتبادل العطور و الاكسسوارات و الخ ..

هالسنة فكرت أنه هديتي تكون سبشل ، و من صنع ايدييي .. فكرت و فكرت لحد ما خطرت فبالي فكرة لكن الوقت ما اسعفني فكان التنفيذ مب لذاك الزود .. يعني كنت متوقعة نتائج أحلى ..

بس صدق صدق  T^T .. اسميني هلكت وانا اخيط و اغرز .. خمس ساعات و انا اشتغل ، الوالدة عندها مكينة خياطة و قالت لي خيطي بالمكينة بس أنا ما طعت أبغي أحس بجيمة الهدية ..

على العموم أخلييكم مع الصور

[1] بداية الشغل بعد ما كتبت الحرف بديت بالغرزة و شكلته و هو تقريباً الي خذ معظم الوقت لنه التعب في ترتيب الخيوط * ادري معنقش الترتيب بس عالسريع >< *

[2] بديت بالخياطة و بعدها جلبت القطعة و عقب حشيتها بالقطن

[3] النتيجة النهائية بعد ما ركبت القطع الخاصة للميداليات

[4] وحدة خاصة لأخوي العزيز ركبتها له على الـPSP .. 🙂

 

و ختاماً سامحوني ع التدوينة المتواضعة 🙂 حبيت أشارككم اللحظة و تووهآ الصور فريش ..

ودي لكمّ

تنفسْ من جديد !

" تنفسْ من جديد "

أخييييراً رجعّو لنآ النتْ T^T ! .. وولكمْ بآكَ يآ " نونْ " !
إشتقّتْ لمدونتَيّ و فقدتْ رغبتيْ بآلكتّآبة طول الفترةْ إلي قضيتْهآ من دونْ نتّ .

في البدآيَة ، أحبْ أبآركَ لكمْ منْ يديدّ و عسَآ مضآنكَمْ هالسنَة غيرْ ، دخلنَآ في العَشر الأوآخرّ ، بآلنسبَة لي حسيتْ رمضآن هاذيْ السنَة مرْ بسرعَة ، و مآ لحقتَ أنجزْ شي يذكرْ ، رح أحآولّ أني أعوضَ كثرْ ما آقدر في الي تبقىّ من رمضآنْ ، و أسأل الله عز وجل أن يوفقنَآ و إيآكمْ .

ذكرتْ في آخرّ تدوينَة لي بأني رح أحاولْ أبقى متوآصلة حتى في رمضآنْ ، لكن هيهآتَ ، بمجردْ مآ أنهيتَ كل شي ، اليوّم الثآني لقيْنآ النتّ مقطوعّ ،3 أسآبيعّ قضينآهَآ من دونْ نتّ ، حسيتْ إنهآ نعمة من ربي ، رغمّ إدماني ، إلا إني كنت هآدية و متقبلة الآمر T^T !!! .. و بعدْ معاناةَ و بهدلة و قصةّ طويلّة رجعت الروحْ و أحسْ أني أتنفس من يديدّ .

خلونيْ أخبركّمْ كيف كآنْ رمضآنيّ من دونْ نت ، أول أسبوعّ ضاعْ كله في النومّ ، كنت في حالة مب طبيعَيةَ أبداً ، حالة خمول غريبة ، مآ كنت عآرفة آلسب ، ما بغيتْ الكل يعتقدّ إني مآقدر أعيش من دون نتْ ، ف شديت الهمة ، و بديت من الأسبوع الثاني ، معظم وقتي كنت أقضيه في المطبخ ويا الوالدة ، و أحياناً أقرآ القرآن ، و أحيآناً أقعد ويآ أخويْ و أختيّ ، نسولف و نتضاربْ و نتكآفخ و مب حافظين غير " اللهم اني صائم بسكت عنكم أنا " هههه أجواء غريبة .

إذآ بتسألونيَ عن المسلسْلآت ، فأنا من يومّي مآحبهَآ ، و مآ جد شفت مسلسّل إلا إذآ الأهل يتابعونه ، فكلْ رمضآن كنت أتابعْ " شعبية الكرتونْ " لا غيرّ ، هاذي السنَة نادراً ما أشوفه ، أتآبع ويآ الوآلد مسلسْل " زمنْ طنآف " ينعرض على سمآ دبي ، إلي شدنيّ له إنه يرمس عن زمن أول قبْل الإتحآد و بعدهْ . و بالليل أتابعْ " أميمة " ويا الوالدة و خوآتيْ ، رغمّ إنه مآ دش مزآجي ، T^T يآربي مزعجآآت هل بنيآتْ ، سوآلفهنْ كلهآ صرآخْ .

فآتتنيْ أهمّ منآسبةَ ، أعجزْ عنْ وصف سحابَة الحزنْ التي تحَوم حوليّ ، لمّ أنسىْ ولكنّ لآ أعلمْ .

16/8/2010 يومها أكملتّ مدونتيْ عآمهآ الأولّ ، استرجَعت الكثيرْ من الذكرياتَ عند قراءتي لتدوينآتْي السآبقة ، مضى هذآ العآمْ سريعاً ، أعتقْد أنني لازلتْ في بدآية الطّريقْ ، سأمضيْ دون توقفْ ، و سأستمرّ حتى أصلْ لتلكْ المرحلّة و التيْ تتعدى النجآح بذاتهَ .

شكراً من القلبْ  لكل من تابعني طيلة هذه الفتّرة ، شكراً أقولهآ و آلخجلْ تجسدنّي ، شكراً لكل من كانْ داعماً لي ، شكراً لمن كان له الدورْ في تكوينْ " ن و ن " شكراً لكمْ جميعاً. 136

{ آلسموحّة كتبتّ بآلعآميةْ xD . .

في أمان الله

2zizxqv.jpg

أَسْتَوْدِعُكُم الْلَّه الَّذِي لَا تَضِيْع وَدَائِعُه

مُسَافِرَة بَعْد شْوَي تَامُرُوْنِي بحّايَة؟

، سَامِحُوْنِي لَو شَالَّيْن شَي بُخَاطَرَكُم .. 🙂 فَمّان الْلَّه !